Telegram-bot pen Sall-ortalyq arqyly 300 myńnan astam almatylyq ózderin saılaýshylar tiziminen tekserdi
Bıyl 10 qańtarda QR Parlamenti Májilisi men qalalyq máslıhattar depýtattarynyń saılaýy ótedi. Almaty ákimdigi QR «Saılaý týraly» Konstıtýtsııalyq zańyna sáıkes saılaýdy uıymdastyrý jáne ótkizý boıynsha júktelgen fýnktsııalardy, onyń ishinde aqparattyq jumysty atqaryp jatyr.
Almaty ákimdigi qalanyń aýmaqtyq saılaý komıssııasynyń ádisnamalyq qoldaýymen 2020 jylǵy 10 qarashadan bastap QR Parlamenti Májilisi men qala máslıhaty depýtattaryn saılaýda saılaý ýchaskeleri týraly aqparat berý boıynsha biryńǵaı nómiri 221-10-01 bolatyn arnaıy Sall-ortalyq iske qosyldy.
Sall-ortalyqtyń 15 operatory kún saıyn (demalyssyz) saǵat 08:00-den 20:00-ge deıin saılaý jáne rásimdik máselelerdi túsindiredi.
Aıta ketý kerek, Call-ortalyqtyń mamandary arnaıy oqýdan ótip, saılaýshylardyń múmkindikterine, daýys berý rásimderi men saılaý ýchaskeleriniń jumysyna qatysty zańnamalyq normalardy túsindire alady. Qala turǵyndary ózderin saılaýshylar tiziminen jáne ózderiniń saılaý ýchaskelerinen teksere alady, sondaı-aq basqa qalalardan kelgender qaıda daýys bere alatynyn bile alady.
Sonymen qatar, ózińizdi saılaýshylar tiziminen @sailau_almaty telegram-botynyń kómegimen jáne «OpenAlmaty» onlaın-servısterinen jáne https://service.almaty.kz/ru aqparat alyp, tekserýge bolady.
2020 jylǵy 31 jeltoqsandaǵy jaǵdaı boıynsha barlyǵy 304 420 adam ózderin saılaýshylar tiziminen tekserdi. Onyń ishinde Call-ortalyqtyń telefony boıynsha – 4713 adam, Telegram-bot jáne saıt arqyly – 299 707 adam.
Saılaý kúni, ıaǵnı, 10 qańtarda Call-ortalyq shtattyq rejımde jumysyn jalǵastyrady.
Operatorlardyń jumysy úshin barlyq qajetti jaǵdaılar jasalǵan. Bekitilgen sanıtarlyq-epıdemııalyq talaptar saqtalady.