«Telegram arqyly satyp aldym»: Aqtóbelikten 25 gramǵa jýyq esirtki tabyldy
«Aqtóbelik polıtseıler «Qarasora-2023» reıdi barysynda 30 jastaǵy jergilikti turǵynnan esirtkisi bar 22 orama tárkiledi.
Saraptama nátıjesi alynǵan zat jalpy salmaǵy 16,40 gr bolatyn a-PVP ekenin kórsetti.
Er adam bul oramalardy Telegram áleýmettik jelisi arqyly ınternet-dúkennen satyp alǵanyn túsindirdi, - delingen habarlamada.
Polıtseıler ustalǵan adamnyń turǵylyqty jerinde de tintý júrgizgen. Onyń barysynda polıetılen paketke oralǵan, ishinde untaq zaty bar 9 orama tabyldy. Keıin ol zat jalpy salmaǵy 7,55 gr mefedron ekeni anyqtaldy.
«QR Qylmystyq kodeksiniń 297-baby 3-bóligi boıynsha sotqa deıingi tergeý júrgizilip jatyr. Kúdikti ýaqytsha ustaý ızolıatoryna qamaýǵa alyndy.
Osy baptyń sanktsııasy úsh jyldan jeti jylǵa deıingi merzimge bas bostandyǵyn shekteýdi ne sol merzimge bas bostandyǵynan aıyrýdy kózdeıdi», - dep naqtylady polıtsııadan.