Telefonǵa jiberilgen habarlama aıyppul nusqaýlyǵy jetkizilgenin bildiredi - zańnamaǵa enetin ózgertý

ASTANA. QazAqparat – Ákimshilik quqyq buzýshylyq týraly kodeks júzindegi ózgertý 1 sáýirden bastap qoldanysqa engiziledi, dep habarlaıdy QazAqparat Astana qalasy polıtsııa departamentiniń baspasóz qyzmetine silteme jasap.

«Sonymen, ózgeristerdiń biri – Kodekstiń 743-babynyń 4-1-bóligi 4-tarmaqshamen tolyqtyrylyp, oǵan sáıkes aıyppul tóleý qajettigi týraly buıryq qysqa mátindik habarlama jiberilgen jaǵdaıda tıisti túrde jetkiziledi dep tanylady. «Elektrondy úkimet» veb-portalyndaǵy paıdalanýshynyń shotyna abonenttik nómerge mátindik habarlama jibere otyryp, qysqa mátindik habarlama jiberilgen jaǵdaıda», qoldanystaǵy redaktsııada kólik quralynyń ıesi kórsetken uıaly telefon nómirine mátindik habarlama jiberilse, nusqaýlyq jetkizildi dep tanylady», - delingen departament habarlamasynda.

Atalǵan ózgertý 1 sáýirden bastap qoldanysqa engiziledi.

Aıta ketsek, Memleket basshysy «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Qazaqstan Respýblıkasynyń zańyna qol qoıǵan bolatyn.