Telefon shalý arqyly qyrǵyzstandyqtar soǵys ardagerlerine kómektese alady

BІShKEK. 5 mamyr. QazAqparat /Arnur Rahymbekov/ - Jeńis kúni qarsańynda «Qyrǵyztelekom» ulttyq baılanys operatory «Biz umytqan joqpyz! Biz maqtanamyz!» atty qaıyrymdylyq sharasyn uıymdastyrady.

Baılanys operatory habarlaǵandaı, qyrǵyzstandyqtar baılanys qyzmetin tóleý pýnkterine baryp, ardagerlerdiń derbes esepshotyna aqsha aýdara alady, al Bishkek qalasynyń turǵyndary Bishkek poshtasynyń baılanys bólimderine baryp ta qaıyrymdylyq sharasyna qatysa alady.

Sondaı-aq abonentterge yńǵaıly bolý úshin Qyrǵyzstan boıynsha biryńǵaı nómirler ashylǵan, sol nómirlerdi terý arqyly aqsha avtomatty túrde aýdarylady: 0 803 1945 020 - 20 som, 0 803 1945 050 - 50 som ı 0 803 1945 100 -100 som.