Telefon alaıaǵy pavlodarlyq turǵynnyń atyna 30 mln teńge nesıe rásimdegen

<p>PAVLODAR. KAZINFORM &mdash; Pavlodar oblysynda ózin ulttyq qaýipsizdik komıtetiniń maıorymyn dep tanystyrǵan telefon alaıaǵy áıeldi aldap soqty. Ol jábirlenýshiniń atyna shamamen 30 mıllıon teńge nesıe resimdegen.</p>

Belgili bolǵandaı, shilde aıynda pavlodarlyq áıelge óziniń jumystaǵy basshysy WhatsApp arqyly habarlama jibergen. Onda áıeldi lańkesterdiń shottaryna aqsha aýdarýǵa baılanysty ulttyq qaýipsizdik komıtetine shaqyryp jatyr dep jazylǵan. 

Foto: Pavlodar oblysy Óńirlik kommýnıkatsııalar qyzmeti

«Keıinirek oǵan «UQK maıory» qońyraý shalyp, onyń atyna shot ashylǵany jáne buryn sottalǵan ári izdeýde júrgen er adamnyń atyna 1 500 000 teńge aýdarylǵany týraly habarlaıdy. Odan soń jábirlenýshi óz shottaryn qorǵaý úshin telefon arqyly jalǵan Ulttyq bank qyzmetkeriniń kómegine júgingen. Sóıtip onyń nusqaýlaryn oryndaı otyryp, depozıttik shotyndaǵy15 000 000 teńgeni alyp, álgiler usynǵan shotqa 5 mıllıon teńgeden astam somany aýdarady. Ári mundaı operatsııany ol birneshe márte qaıtalaǵan. Keıin aldanǵanyn túsingen ol polıtsııaǵa júgindi, — dep habarlady Pavlodar oblysy polıtsııa departamenti bastyǵynyń orynbasary Bolat Nurseıitov.

Tergeý kórsetkendeı, aqsha aýdarylǵan adamdar da alaıaqtardyń qurbanyna aınalǵan. Qazirgi ýaqytta jedel ýákilder sońǵy eki jylda QR aýmaǵynda nómirleri retranslıatsııalanbaǵan abonentterdiń ornalasqan jerin anyqtaýǵa suraý salýlar jiberdi. Qylmys jasaǵandardy jáne olardyń ornalasqan jerin anyqtaý boıynsha jedel-izdestirý is-sharalary jalǵasyp jatyr.

Eske sala keteıik, alaıaqtar HQO saıty buzylǵany jaıly jalǵan habar taratty.

Foto: