Tele-, radıoarnalardy taratý jónindegi qyzmetti lıtsenzııalaýdyń keıbir máseleleri týraly - QR Úkimetiniń qaýlysy

ASTANA. 19 qańtar. QazAqparat - QR Úkimeti Tele-, radıoarnalardy taratý jónindegi qyzmetti lıtsenzııalaýdyń keıbir máseleleri týraly qaýly qabyldady.

QazAqparat qujattyń mátinin taratady.

Qazaqstan Respýblıkasy Úkimetiniń qaýlysy №1590

2012 jyl 14 jeltoqsan, Astana, Úkimet Úıi

Tele-, radıoarnalardy taratý jónindegi qyzmettilıtsenzııalaýdyń keıbir máseleleri týraly

«Lıtsenzııalaý týraly» 2007 jylǵy 11 qańtardaǵy Qazaqstan Respýblıkasy Zańynyń 6-babyna jáne «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasynyń Zańy 6-babynyń 3) tarmaqshasyna sáıkes Qazaqstan Respýblıkasynyń Úkimeti QAÝLY ETEDІ:

1. Qosa berilip otyrǵan tele-, radıoarnalardy taratý jónindegi qyzmetti júzege asyrý úshin olardyń sáıkestigin rastaýǵa qoıylatyn biliktilik talaptary jáne qujattardyń tizbesi bekitilsin.

2. Qazaqstan Respýblıkasy Mádenıet jáne aqparat mınıstrliginiń Aqparat jáne muraǵat komıteti tele-, radıoarnalardy taratý jónindegi qyzmetti júzege asyrý boıynsha lıtsenzıar bolyp belgilensin.

3. «Tele-, radıoarnalardy taratý jónindegi qyzmetti lıtsenzııalaý kezinde qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2012 jylǵy 27 shildedegi № 982 qaýlysynyń kúshi joıyldy dep tanylsyn.

4. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.

Qazaqstan Respýblıkasynyń Premer-Mınıstri S. Ahmetov

Qosymshalar mátini respýblıkalyq BAQ-ta jarııalandy.