Tekserý qorytyndysy: Almatylyq oqýshylarǵa tamaq qaldyqtary berilgen joq
– Azyq-túlik ónimderin qaıta paıdalaný faktileri rastalmady, biraq tamaqtanýdy uıymdastyrýda buzýshylyqtar anyqtaldy. Atap aıtqanda, salattardyń qanaǵattanarlyqsyz sapasy tirkeldi, bul tehnologııalyq karta men pisirý protsesteriniń buzylýyna baılanysty bolýy múmkin, - dep habarlady qalalyq bilim basqarmasynan.
Vedomstvodan atap ótkendeı, monıtorıng qorytyndysy boıynsha Almaty qalasynyń sanıtarlyq qaýipsizdik jáne baqylaý departamentine hattar joldandy.
– Mektep dırektoryna qatysty baqylaýdy álsiretkeni úshin tártiptik sharalar qoldanylatyn bolady, al departament tamaqtandyrý qyzmetterin jetkizýshige qatysty jospardan tys tekserýge bastamashylyq jasaıdy. Vedomstvoaralyq saraptamalyq toptyń jumys tıimdiligin arttyrý úshin top quramy ulǵaıtyldy, beıindi sarapshylardyń qatysýy kúsheıtildi jáne monıtorıng reglamentteri bekitildi. Jumys Almaty qalasynyń barlyq bilim berý mekemelerinde tamaqtaný sapasyn qamtamasyz etýge baǵyttalǵan, - dep atap ótti basqarmadan.
Eske salaıyq áleýmettik jelilerde Almatydaǵy mektepterdiń biriniń ashanasynda oqýshylarǵa tamaq qaldyqtaryn berip jatyr degen aqparat paıda boldy.
Keıin Almaty qalalyq bilim basqarmasy osyǵan baılanysty túsinik berdi.
Osyǵan deıin Almaty mektepterinde oqýshylarǵa beriletin tegin as mázirine ulttyq taǵamdar engizilýi múmkin ekenin jazǵan bolatynbyz.
Byltyr Memleket basshysy Qasym-Jomart Toqaev aýyl sharýashylyǵy qyzmetkerleriniń birinshi forýmynda mektep ashanasyndaǵy tamaq sapasyn arttyrý baǵytyndaǵy ustanymdaryn aıtqan edi.