«Teketires» fılmi Qytaıda kórsetiledi
«Qazaqstan» teleradıokorporatsııasynyń «Teketires» kınotýyndysy Qytaıdaǵy Tsındao qalasynda ótip jatqan halyqaralyq kınofestıvalda joǵary baǵaǵa ıe boldy. Búgin, Qytaıdyń eń aýqymdy «CCTV 6» telearnasy men «Qazaqstan» teleradıokorporatsııa arasynda «Teketires» fılmin Qytaı aýmaǵynda kórsetý úshin kelisimge qol qoıyldy. Bul úlken jetistik», - dep jazdy Erlan Qarın.
Fılm Erlan Qarınniń «Soldat Halıfaty» kitabynyń jelisimen 2017 jyly túsirilgen. Rejısseri Vıktor Klımov.
Fılm jelisi boıynsha UQK maıory Rahmetov ár túrli ýaqytta, ár túrli aımaqtarda terrorıstik áreket uıymdastyrǵan ekstremıstik toptardyń izine túsedi. Bul oqıǵada Qazaqstannyń iri qalalary ǵana emes Rahmetovtiń óz januıasyna da qaýip tónedi. Tergeý jumystary barysynda bul áreketterdiń artynda halyqaralyq terrorıster turýy múmkin degen tujyrymǵa keledi. Nátıjesinde «Halıfat sarbazdaryn» jeńý maqsatynda Qazaqstanda aýmaǵynda ǵana emes, shet memleketterge de attanady. Fılm shynaıy oqıǵalar negizinde túsirilgen.