Tekelide ashyq turǵan elektr jelisiniń qurylǵysyna kirgen balany toq soǵyp, aýrýhanaǵa tústi
10:07, 24 Mamyr 2023
TALDYQORǴAN. QazAqparat - Tekelide dalada ashyq turǵan elektr jelisiniń qurylǵysyna kirgen balany toq soǵyp, aýrýhanaǵa tústi, dep habarlaıdy QazAqparat tilshisi.
Jetisý oblystyq polıtsııa departamenti baspasóz qyzmeti oqys oqıǵany rastady. Polıtsııanyń málimetinshe, qyz bala 2014 jyly týǵan.
«Atalǵan fakti qalalyq polıtsııanyń aqparattyq kitabynda resmı tirkelgenin habarlaımyz. Jınalǵan materıal tıisti tekserýdi uıymdastyrý úshin atomdyq jáne energetıkalyq qadaǵalaý men baqylaý komıtetiniń oblystyq departamentine joldandy», - delingen vedomstvonyń habarlamasynda.
Kýágerlerdiń aıtýynsha, oqıǵa 22 mamyr kúni bolǵan. Qyz bala tyǵylmaq oınap júrip, ashyq turǵan toqtyń ishine kirip ketken. Qazir toq soqqan bala aýrýhanada jatyr.