Tekeli qalasynyń ákimi taǵy da maskúnemderge tap boldy
«Búgin qala aralap júrip taǵy da maskúnemderge tap boldym. Mine, qoǵamdyq tártipti buzatyndar — osylar. Bularmen qalaı kúresemiz, ne isteımiz? Múmkin dúkende araq-sharap, temeki satýdy múldem toqtatamyz? Qurmetti tekelilikter, dúkenderden araq-sharap temekini satyp alýdy toqtatamyz? Áıtpese, sizder nemese sizderdiń týystaryńyz osylardyń qatarynda bolmaýyna kim kepil!» - dep jazdy Tekeli qalasynyń ákimi Baqtııar Ónerbaev Instagram jelisindegi paraqshasynda.
Tekeliniń ákimi ishimdik iship otyr delingen úsh áıeldi vıdeoǵa túsirip, áleýmettik jelige jarııalady. Al áıel adamdar ishimdik ishpedik, qolymyzdaǵy sharap dep aqtalady. Al B.Ónerbaevtyń áıelderge «araq ishkenderińiz kórinip tur» degen sózine, tekeliniń úsh turǵyny «kúndiz ishkenbiz» dep jaýap beredi.
Aıta keteıik, buǵan deıin Tekeli qalasynyń ákimi qoǵamdyq orynda ishimdik iship otyrǵan úsh er azamatqa tap bolyp, olardy qýyp jibergen bolatyn. Sheneýnik, bul áreketin vıdeoǵa túsirip, áleýmettik jelige jarııalaǵanyn habarlaǵan bolatynbyz. Artynsha ishimdik ishken úsh azamat 3 jáne 5kúnge qamaýǵa alyndy.