Tekeli qalasynda arnaıy operatsııa kezinde esirtki satýshylar toby ustaldy

TALDYQORǴAN. QazAqparat - Jetisý oblysy Tekeli qalasynda polıtseıler arnaıy operatsııa júrgizip, óńirdegi esirtki taratý arnasyń joıdy, - dep habarlaıdy QazAqparat tilshisi.

4 esirtki satýshy anyqtalyp, marıhýananyń ár túrli dozasyn satý kezinde ustaldy.«Ustalǵan adamdar esirtki zattaryn taratý jáne satý qylmystary boıynsha aıyptalady. Kúdiktilerdiń árqaısysy qalanyń ár jerinde jeke-jeke ustaldy. Barlyǵy ýaqytsha ustaý ızolıatoryna qamaldy. Tirkelgen faktiler boıynsha tergeý amaldary esirtki zattardy ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizýdi kózdeıtin QR QK-niń 297-babyna (1,3-b.) sáıkes júrgizilýde», - dedi Jetisý oblysy PD esirtki qylmysyna qarsy is-qımyl basqarmasynyń bastyǵy Murat Jumabaev.

Jyl basynan beri óńirde zańsyz aınalymnan 30 keliden astam túrli esirtki zattary tárkilendi. Olardyń ishinde marıhýana, gashısh jáne «sıntetıka» dep atalatyn esirtki zattary bar.