Tekeli qalasynyń turǵyndary 30 jyldan beri laı sý iship keledi

<p>TEKELІ. KAZINFORM &ndash; Turǵyndar jıyrma jyldan beri bulaq sýyn tasyp iship júr. Turǵyndar ortalyqtandyrylǵan qubyrdan keletin sý ishpek túgili, kir jýýǵa da jaramaıdy deıdi. Dese de, jurt laı sý ishse de, aýyz sýǵa aqsha tólep kelgen.</p>

«Bulaqtan sý ákep ishemiz. Jaz boıy laı bop ketedi sýymyz. Mynaý sý aq kıimdi sup-sur qylyp tastaıdy, qara kıimder appaq bolyp qalady. Batpaq bolady bári. Al taza sý óte qymbatqa túsýde, 5 lıtrin 125 teńgege satyp alamyz, oǵan qosa úıdegi laı sýdyń ár tekshe metrine 70 teńge tóleımiz», - dedi qala turǵyndary. 

Tekeli qalasy ákiminiń sózinshe, maýsym aıynda súzgi stantsııasynda jóndeý jumystary bastalady. Alaıda, bul da máseleni sheshpeıtin syńaıly. Óıtkeni, jerasty sýy osydan 46 jyl buryn salynǵan súzgi stantsııasy arqyly ótedi. Al, ondaǵy sý qubyrlary ábden tozǵan.

«Búgingi kúni súzgi stantsııa 86 paıyzǵa tozǵan. Ol stantsııa búgingi kúnge deıin ortasha jóndeýden ótpegen. Bıylǵy aqpanda aǵymdaǵy jóndeýge konkýrs jarııalandy» - dedi, Tekeli qalasy ákiminiń birinshi orynbasary Erlan Jetibaev. 

Kenshiler shahary tirshilik nárin Qora, Shaja ózenderinen alyp otyr.

Al kóktem, jaz aılarynda taýdan erigen qar sýy ishýge múlde jaramaı qalady.

Byltyr 1 mlrd teńgege birneshe uńǵyma burǵylanyp, 2 munara salynǵanyn jazǵan edik. Alaıda munymen taza aýyz sý máselesi sheshimin tappaǵan.