Tek qolma-qol tólem: saýdagerlerdiń mundaı talaby zańdy ma

<p>Mańǵystaý oblystyq memlekettik kirister departamenti eger kásipkerler kartamen tólem jasaýdan bas tartatyn bolsa ne isteý keregin túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Jeke kásipkerler kartamen tólemdi qabyldaýdan bas tartyp, kórsetilgen qyzmetke, taýarǵa qolma-qol aqshany talap etetin jaǵdaılar kezdesedi. Kartamen tólem qabyldaýdan bas tartý zańsyz. Sebebi Qazaqstan Respýblıkasynyń «Tólem men tólem júıeleri týraly» Zań normalarynda túrli tólem tásilderi – bank kartasy, QR nemese qolma-qol aqsha qarastyrylǵan (25-bap). Kásipkerlerdiń tólem kartalary arqyly tólem qabyldaýdan bas tartqany úshin ákimshilik jaýapkershilik bar: birinshisinde jáı eskertý bolsa, qaıta ereje buzǵanda 147 680 teńge (40 MRP) kóleminde aıyppul salynady (QR Ákimshilik quqyqbuzýshylyq týraly kodekstiń 194-baby)», - dep túsindirdi departament ókilderi.

Vedomstvonyń aıtýynsha, kartamen tólem qabyldaýdan bas tartý jaǵdaılary týraly memlekettik kirister organdaryna habarlaý qajet (eOtinish arqyly rastaıtyn qujattardy júkteı otyryp nemese Wipon Cashback tegin qosymshasy arqyly aryzdanýǵa bolady).

Taýarlardy satqanda nemese qyzmet kórsetkende kásipkerler satyp alýshyǵa fıskal chek berýi qajet. Chek berýden bas tartqandar ákimshilik jaýapqa tartylady.