Tek ájelerge arnalǵan fıtnes-klýb ashyldy
Belgili bolǵandaı, jattyǵýlar aptasyna úsh ret, ıaǵnı aıyna 12 márte ótedi. Ájeler fıtnes-klýbqa barǵany úshin aıyna 10 teńge tóleýi tıis.
Feısbýktegi «AjetaiFit» fıtnes-ortalyǵynyń resmı paraqshasynda habarlanǵandaı, jattyǵýlar baǵdarlamasy ájelerdiń jas ereksheligin eskere otyryp qurylǵan.
Onda býyndardyń mobıldigine arnalǵan aerobıka elementterimen saýyqtyrý sharalary, sondaı-aq durys tynys alý úshin ıoga elementteri qamtylǵan. Munymen qosa, belsendi ájeıler 2 aptada bir márte shyǵys bılerine barý múmkindigine ıe bolyp otyr.
«Bizdiń ata-analarymyzben jasty adamdar óz ómirlerinde tek otbasyn ǵana oılap, ýaqyttaryn jumyspen ótkizdi. Olarda turaqty sportpen shuǵyldanýǵa ýaqyttary bolmady. Qazirgi kezde jastar jattyǵyp júrgen sport zaldarǵa ájeler bara bermeıdi. Óz analaryńyzdyń kóńildi júrgeni qandaı tamasha. Sondyqtan ortalyqqa analaryńyz ben ájelerińizdi alyp kelińizder», - dep jazdy jobanyń bastamashysy Elmıra Qýanysh.
Aıta keteıik, áleýmettik jeli paıdalanýshylary atalǵan ıgi bastamaǵa oń baǵalaryn berip úlgerdi.