Tek álsizder ǵana áıelderge qol kóteredi – Qorǵanys mınıstri

<p>Qorǵanys mınıstri Rýslan Jaqsylyqov otbasyndaǵy zorlyq-zombylyqpen kúres máselesine qatysty pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Tárbıeniń negizi otbasydan bastalady, ıaǵnı ata-ana balasyna qalaı qarasa, bala keıin ózgelerge de solaı qaraıdy. Jalpy, áıelderge qol kóterý kez kelgen erkekke abyroı ákelmeıdi. Tek álsizder ǵana áıelderge qol kóteredi. Eń aldymen, er adam óz memleketiniń de, otbasynyń da qorǵaýshysy. Biraq eger er adam áıeline qol kóterse, onyń ne mán-maǵynasy bar?», - dedi R. Jaqsylyqov Parlament Májilisinde tilshiler suraǵyna jaýap bere otyryp.

Aıta keteıik, qazir qoǵamda otbasyndaǵy zorlyq-zombylyq máselesi qyzý talqyǵa túsip jatyr. Osy oraıda jaqynda Qazaqstan halqy Assambleıasynyń «Analar» keńesi tóraǵasynyń orynbasary Baıan Ahataı otbasylyq kelispeýshiliktiń bárin turmystyq zorlyq-zombylyqqa jatqyzýǵa bolmaıtynyn aıtty.

Senat tóraǵasy Máýlen Áshimbaev otbasyndaǵy zorlyq-zombylyqty tek zańnamany ózgertýmen sheshýge bolmaıtynyn málim etti.

Qazaqstan musylmandary dinı basqarmasy sharıǵat jáne pátýa bóliminiń mamany, teolog Elbek Tasbolatulynyń paıymynsha, otbasy máselesinde ulttyq tárbıe jóninde keńes bere alatyn mamandar kerek.