Tehnodom men Sulpak qujatsyz turmystyq tehnıka satqany úshin aıyppul tóleıdi

ASTANA. QazAqparat – Sáıkestikti baǵalaý týraly qujatsyz turmystyq elektr aspaptaryn satqan iri dúkenderge 1,8 mln teńge aıyppul salyndy, dep habarlaıdy QazAqparat tilshisi QR Saýda jáne ıntegratsııa mınıstrligi tehnıkalyq retteý jáne metrologııa komıtetine silteme jasap.

«Sáıkestikti baǵalaý týraly qujattarsyz turmystyq elektr aspaptaryn satý faktisi boıynsha 600 AEK (1 837 800 teńge) mólsherinde aıyppul salynǵan iri satýshylar («Tehnodom» jáne Sulpak) jaýapqa tartyldy, kemshilikterdi joıý týraly nusqama berildi», - dep jazylǵan tehnıkalyq retteý jáne metrologııa komıtetiniń baıandamasynda.

Komıtettiń buıryǵymen Qazaqstan aýmaǵynda zańsyz resimdelgen 57 sáıkestik deklaratsııasynyń jáne 63 sáıkestik sertıfıkatynyń kúshi joıyldy.

Onyń ishinde qazaqstandyq tsement qaýymdastyǵynyń ótinishi boıynsha ımporttyq tsementke 8 sertıfıkat, Qyrǵyzstannyń áriptesterimen ózara is-qımyl nátıjesi boıynsha osy bólimdegi qyzmeti toqtatylǵan qyrǵyz sertıfıkattaý organy bergen elektr turmystyq aspaptarǵa 12 sertıfıkat, qazaqstandyq sáıkestikti baǵalaý organdary qaýymdastyǵy men Qazaqstannyń óńdeý ónerkásibi odaǵynyń ótinishteri boıynsha ımporttyq jıhazǵa 20 sertıfıkat, olardyń synaǵy akkredıttelgen zerthanalarda júrgizilmegen.

Quqyq buzýshylarǵa (sáıkestik týraly deklaratsııany ımporttaýshy-ótinish berýshilerge) aıyppul salyndy.

Qujattardyń kúshin joıý týraly aqparat osyndaı ónimniń taralýyna jol bermeý úshin Memlekettik kirister organdaryna, EEK-ke jáne EAEO elderiniń organdaryna jiberildi.

Buǵan deıin kólik qaýipsizdigi qujattaryn zańsyz bergen sertıfıkattaý organdary jaýapqa tartylǵany habarlanǵan edi.