Tehnıkalyq jáne kásiptik bilimge memlekettik tapsyrys 50 myńǵa artady

ASTANA. QazAqparat – Bıyl tegin tehnıkalyq jáne kásiptik bilimmen qamtı túsý maqsatynda memlekettik tapsyrystyń kólemi 50 myńǵa ulǵaıady. Tolyǵyraq Oqý-aǵartý birinshi vıtse-mınıstri Sholpan Karınova aıtyp berdi, dep habarlaıdy QazAqparat tilshisi.

«Memleket basshysy tapsyrmasyna sáıkes suranysqa ıe mamandyqtar boıynsha tegin tehnıkalyq jáne kásiptik bilimmen 100% qamtý jumysy jalǵasyp jatyr. Bul oraıda, bizdiń mınıstrlik 9 synyptan keıin kolledjge túsýshilerge memlekettik tapsyrysty ulǵaıtý baǵytynda jergilikti ákimdiktermen birlesip áreket etedi. Osylaısha, bıyl memlekettik tapsyrys 50 myń orynǵa artady», - dedi Sholpan Karınova OKQ-de ótken brıfıngide.

Onyń aıtýynsha, «Bilim týraly» zańǵa ózgertýler men tolyqtyrýlar engizilip, kolledjderge qabyldaý kvotasy qaıta qaraldy.

«Aıtar bolsaq, kópbalaly otbasy balalaryna 5%, tolyq emes otbasy balalaryna 1%, múmkindigi shekteýli balalary bar otbasy balalaryna 1% grant bólinedi. Tegin tehnıkalyq jáne kásiptik bilimmen eń aldymen, áleýmettik osal otbasylardyń balalary qamtylady», - deıdi ol.

Sonymen qatar, spıker memlekettik tapsyrys arqyly tehnıkalyq mamandyqtar boıynsha kadrlar daıarlaýdyń artqanyn aıtty.

«Metallýrgııa, IT, qurylys, ınjenerııa, qyzmet kórsetý salalaryna basymdyq beriledi. Qazirgi ýaqytta tehnıkalyq mamandyqtar boıynsha qabyldanǵan stýdentterdiń úlesi – 50 paıyz, ıaǵnı 61 myń stýdent», - dedi Sh. Karınova.