Tehnıkalyq retteý jáne metrologııa komıteti tóraǵasynyń jańa orynbasary taǵaıyndaldy

ASTANA. QazAqparat - 16 qazannan bastap buryn QR IDM Tehnıkalyq retteý jáne metrologııa komıtetiniń Astana q. boıynsha departamenti dırektorynyń mindetin atqarǵan Ońǵarbaev Joldasbek Qasymuly Qazaqstan Respýblıkasy Investıtsııalar jáne damý mınıstrligi Tehnıkalyq retteý jáne metrologııa komıteti tóraǵasynyń orynbasary laýazymynda jumysqa kiristi. Bul týraly atalǵan mınıstrliktiń baspasóz qyzmetinen habarlady.

«Joldasbek Qasymuly - Memlekettik standart júıesinde qajetti biliktilik pen tájirıbege ıe kásibı basshy. Onyń kelýimen oǵan senip tapsyrylǵan baǵyttar belsendi damıtyndyǵyna senimdimin», - dedi QR IDM Tehnıkalyq retteý jáne metrologııa komıtetiniń tóraǵasy Birjan Qaneshev jańa orynbasardy ujymǵa tanystyrý kezinde.

Joldasbek Ońǵarbaev 1997 jyldan bastap tehnıkalyq retteý salasynda, al Komıtet qurylymynda 1998 jyldan bastap mynadaı laýazymdar atqardy:

10.1998 - Jezqazǵan q. Jezqazǵan óńiri boıynsha ST jáne SI qadaǵalaý jónindegi bas memlekettik ınspektor - Jezqazǵan óńiri boıynsha ST jáne SI qadaǵalaý jónindegi óńirlik bólimshe basshysy;

11.2005 - dırektor, «Qazaqstan metrologııa ınstıtýty» RMK QF, Qaraǵandy q.;

11.2006 - akkredıtteý, metrologııa bóliminiń bastyǵy, Qazaqstan Respýblıkasy Investıtsııalar jáne damý mınıstrligi Tehnıkalyq retteý jáne metrologııa komıteti, Astana q.;

12.2008 - dırektor, «Qazaqstan Respýblıkasy Investıtsııalar jáne damý mınıstrligi Tehnıkalyq retteý jáne metrologııa komıtetiniń Qaraǵandy oblysy boıynsha departamenti» MM, Qaraǵandy q.;

06.2014 - dırektor, «Qazaqstan Respýblıkasy Investıtsııalar jáne damý mınıstrligi Tehnıkalyq retteý jáne metrologııa komıtetiniń Astana qalasy boıynsha departamenti» MM», Astana q.;

J. Ońǵarbaev Eńbek Qyzyl Tý ordendi Qaraǵandy polıtehnıkalyq ınstıtýtyn, Qaraǵandy «Bolashaq» ınstıtýtyn támamdady.

Sondaı-aq QR Investıtsııalar jáne damý mınıstrligi Tehnıkalyq retteý jáne metrologııa komıteti tóraǵasynyń orynbasarlary óz oryndaryna qaıta taǵaıyndaldy: Duǵalov Ǵalymjan Tilektesuly jáne Qazybaeva Shynar Sovetqyzy.