Tehnıkalyq mamandyqtarǵa talapkerlerdiń qyzyǵýshylyǵy artty - L. N. Gýmılev atyndaǵy EUÝ

ASTANA. QazAqparat - Tehnıkalyq mamandyqtarǵa talapkerlerdiń qyzyǵýshylyǵy artty. Bul týraly búgin Ortalyq kommýnıkatsııalar qyzmetindegi baspasóz máslıhatynda L. N. Gýmılev atyndaǵy Eýrazııa ulttyq ýnıversıtetinde (EUÝ) ǵylymı-zertteý jumysy jónindegi prorektor Abzal Táltenov málim etti.

«Qazirgi kezde bıylǵy oqý jylyna joǵary oqý oryndaryna túsý naýqany aıaqtalyp jatyr. Búgingi tańda tehnıkalyq mamandyqtarǵa qyzyǵýshylyq artty dep aıtýǵa bolady. Bizdiń ýnıversıtettegi jaǵdaıǵa toqtalatyn bolsam, aǵymdaǵy jyly oqýǵa túsken 2700 abıtýrıenttiń 1300-i, ıaǵnı shamamen teń jartysy tehnıkalyq mamandyqtardy tańdady. Jyl saıyn osy kórsetkish artyp keledi. Tehnıkalyq mamandyqtardyń konkýrsy da joǵary», - dedi EUÝ prorektory ÚIID memlekettik baǵdarlamasy úshin kadrlardy daıarlaý taqyrybynda ótken baspasóz máslıhatynda.

Osy oraıda Abzal Táltenov bul saladaǵy mamandyqtarǵa qyzyǵýshylyq jaqsy deńgeıde ekenin atap ótti.