Tehnıkalyq jáne kásiptik bilim berý: kolledjderge 145 myń grant bólindi

<p>ASTANA. KAZINFORM - Jańa oqý jylynda elimizdiń kolledjderinde memlekettik bilim berý tapsyrysynyń kólemi 145 myń orynǵa deıin artty. Bul ótken jylmen salystyrǵanda 12 myń orynǵa kóp, dep habarlaıdy QR Oqý-aǵartý mınıstrliginiń baspasóz qyzmeti.&nbsp;</p>

Osylaısha, stýdentterdi suranysqa ıe mamandyqtar boıynsha tegin tehnıkalyq jáne kásiptik bilimmen qamtý 90%-dy qurady. 

Memleket basshysynyń tapsyrmasy boıynsha memlekettik tapsyrystyń 65% mashına jasaý, kólik, energetıka, IT, qurylys jáne ınjenerııa sekildi tehnıkalyq mamandyqtarǵa baǵyttalǵan. 2025 jylǵa qaraı bul kórsetkish 70%-ǵa, al memlekettik tapsyrys kólemi 100%-ǵa deıin ósedi.

Sondaı-aq kolledjderge talapkerlerdi kásiporyndardyń ótinimderi boıynsha jumysqa ornalastyrý mindettemesimen qabyldaý jalǵasýda. Ol boıynsha jyl saıyn 10 myń talapker qabyldanady. Bul kadrlardy eńbek naryǵynyń talabyna sáıkes daıyndaýǵa múmkindik beredi.

Maman daıarlaýdyń mańyzdy bóligi - bıznespen yntymaqtastyq qurý bolyp tabylady. Qazirgi ýaqytta 518 kásiporyn 410 kolledjdiń túlekterin praktıkalyq daıarlaýǵa, jumysqa ornalastyrýdy qamtamasyz ete otyryp, dýaldi oqytýǵa jáne sheftik qamqorlyq kórsetýge qatysýda.

Bul sharalardyń barlyǵy jas mamandardy kásibı daıyndaýǵa jáne elimizdiń kadrlyq áleýetin arttyrýǵa baǵyttalǵan.