Qadaǵalaý sharalaryn tekserý tártibi bekitildi
Endi eger EAEO elderiniń birinde óndirilgen ónim Odaqtyń tehnıkalyq talaptaryna saı kelmese, jáne basqa eldiń baqylaý organy oǵan shara qoldansa, osy sheshimniń durys-burystyǵyn EEK arnaıy tártip boıynsha qaraıdy.
Bul tártip daýly jaǵdaılardy sheshýge jáne ádildik ornatýǵa kómektesedi.
Hımııalyq ónimderge qatysty jańa erejeler bekitildi
- Hımııalyq zattar men qospalardyń biryńǵaı tizilimi qalaı jasalatyny jáne júrgiziletini anyqtaldy.
- Jańa hımııalyq zattardy tirkeý (notıfıkatsııalaý) tártibi belgilendi.
Bul sharalar «Hımııalyq ónimniń qaýipsizdigi týraly» tehnıkalyq reglamenttiń talaptaryn oryndaýǵa kómektesedi.
Bul ózgerister ne úshin kerek?
- Hımııalyq ónimder týraly barlyq elderde birdeı jáne ózekti aqparat bolý úshin.
- Kompanııalarǵa qujattardy rásimdeý jumystaryn jeńildetý úshin.
- Qarjylyq jáne ýaqyttyq shyǵyndardy azaıtý úshin (mysaly, qaýipsizdik pasporttaryn daıyndaý kezinde).
Osyǵan deıin qazaqstandyq óndirýshilerge EAEO elderiniń satyp alýlaryna qatysý jeńildeı túsetini habarlandy.