Tehnıkalyq reglamentti buzǵandarǵa ákimshilik is qozǵaldy – komıtet

<p>Tehnıkalyq retteý jáne metrologııa komıteti bıyl 10 aıda atqarylǵan jumysty qorytyndylady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Bizdiń komıtettiń jergilikti departamentteri kelesi baǵyttar boıynsha memlekettik baqylaý júrgizedi. Tehreglamenttiń 34 túri boıynsha óndiristik ónimniń talapqa saı bolýy, ónimdi ólsheý quraldaryn tekserý, zerthanalar men sertıfıkattardyń bolýy jáne zergerlik buıymdardy satý protsesi. Sonymen qatar «Atamekenniń» óńirlik palatalary men sarapshy-aýdıtorlaryn baqylaý», - dedi QR Saýda jáne ıntegratsııa mınıstrligi tehnıkalyq retteý jáne metrologııa komıtetiniń tóraǵasy Qýanysh Elikbaev Ortalyq kommýnıkatsııalar qyzmeti alańynda ótken baspasóz máslıhatynda.

Komıtet basshysynyń aıtýynsha, bıyl 10 aıda 4060 baqylaý is-sharasy ótkizildi. Onyń 3333 jaǵdaıynda buzýshylyqtar anyqtalǵan.

«Ótken jylmen salystyrǵanda bıyl baqylaý sharalary kóbeıdi. Atap aıtqanda 175 jospardan tys tekserý, jáne basqa memlekettik organdarmen birlesken 253 tekserý júrdi. Nátıjesinde olqylyqty joıýǵa 104 uıǵarym berildi. Jalpy somasy 200,273 mln teńgege ákimshilik is qozǵaldy. Sonymen qatar 274 ákimshilik quqyq buzýshylyq týraly hattama toltyryldy», - deıdi ol.