Tehnıkalyq bilimi bar mamandarǵa suranys 1 mln-ǵa jýyqtaýy múmkin — mınıstr
«Eńbek jáne halyqty áleýmettik qorǵaý mınıstrligi qysqa merzimdi (1 jyl), orta merzimdi (6 jyl) jáne uzaq merzimdi (2050 jylǵa deıin) eńbek resýrstaryn boljaý júıesin qalyptastyrý jumystaryn atqardy. Taldaý kórsetkendeı, sońǵy 10 jylda kásiptik tehnıkalyq bilimi bar jumyspen qamtylǵandardyń úlesi jumys istep júrgenderdiń jalpy sanynyń 49%-na jetip, 17 paıyzdyq tarmaqqa ulǵaıdy. Ekonomıka salalary boıynsha kásiptik-tehnıkalyq bilimi bar jumysshylardyń eń kóp sany saýda, ónerkásip, aýyl sharýashylyǵy, kólik jáne qoıma salalarynda basym bolyp, jalpy sany 2,5 mıllıon adamǵa jetti. Alaıda, eńbek naryǵynda kásiptik-tehnıkalyq bilimi bar qyzmetkerlerge degen suranys áli de ózekti», — dedi S. Jaqypova.
Onyń aıtýynsha, 2030 jylǵa deıin kadrlarǵa jalpy qajettilik 1,8 mıllıon adamnan asyp, onyń ishinde tehnıkalyq bilimi bar adamdarǵa suranys 1 mıllıonǵa jýyqtaýy múmkin.
«Kásibı kadrlardy daıarlaý jumystaryn júıeleý maqsatynda ulttyq biliktilik júıesin damytyp jatyrmyz. Ol úshin qazirgi ýaqytta jumys berýshilerdiń talaptaryna sáıkes keletin 823 kásibı standartty ázirleý, kásibı standarttar negizinde 3,8 myń bilim berý baǵdarlamasyn jańartý, sondaı-aq týrızm jáne aqparattyq tehnologııalar (IT) sııaqty basym salalarda biliktilikti tanýdyń 25 ortalyǵyn ashý úshin tıisti sharalar qabyldanyp otyr. Mınıstrlik jumyspen qamtýdy, onyń ishinde jumysshy kásipterge yntalandyrý sharalaryn qabyldap jatyr. Bul rette, Ulttyq jobalar, tujyrymdamalar men damý josparlary aıasynda iske asyrylatyn barlyq jobalar boıynsha jumys oryndaryn qurýǵa sapaly monıtorıng júrgizý, kadrlarǵa qajettilikti taldaý jáne boljaý úshin Tsıfrlyq platforma ázirlendi», — dedi vedomstvo basshysy.
Onyń sózine qaraǵanda, osy tsıfrlyq platformanyń fýnktsıonalyn keńeıtý maqsatynda Eńbek mınıstrliginiń aqparattyq júıelerin Qarjy mınıstrliginiń jáne basqa da ortalyq memlekettik organdar men ulttyq holdıngterdiń júıelerimen ıntegratsııalaý iske asyrylyp jatyr.