Tehastaǵy qyrǵyn: bes adam qaza tapty, onyń ishinde bala bar

TEHAS. QazAqparat – Qarýlanǵan qaskóı Tehasta úı turǵyndaryna oq atyp, bes adamdy, onyń ishinde segiz jasar balany mert qyldy, dep habarlaıdy QazAqparat bbc.com-ge silteme jasap.

Qurbandardyń arasynda eki áıel bolǵan. Polıtsııanyń sózinshe, olar basqa balalardy denesimen jaýyp, qorǵap qalǵan.

Qaıǵyly oqıǵa juma kúni keshke Hıýstonnan soltústik-shyǵysqa qaraı 70 shaqyrym jerdegi Klıvlend shaǵyn qalasynda bolǵan.

Jergilikti sherıftiń sózinshe, polıtsııa jartylaı avtomattandyrylǵan vıntovkamen qarýlanǵan qylmysqa kúdikti meksıkalyq azamatty izdestirip jatyr. Ol úıdiń mańynda oq atýdy bastaǵanda mas bolǵan tárizdi, al turǵyndar toqtatýyn suraǵanda olarǵa qarsy oq jaýdyra bastaǵan.

Jalpy sol ýaqytta úıde 10 adam bolǵan, bári Gondýrastan. Polıtsııa olardyń atyn jáne atys uıymdastyrǵan adamǵa qandaı qatysy bar ekenin habarlamady.