Tehas shtatyndaǵy balalar lagerinde atys boldy
Oqıǵa Dallas okrýgi Dýnkanvıll qalasyndaǵy Duncanville Fieldhouse sport kesheninde bolǵan. Onda 4 pen 14 jas aralyǵyndaǵy 250-ge jýyq bala boldy. Olardyń eshqaısysy zardap shekken joq. Atys bastalǵannan keıin balalardyń bir bóligi qaýipsiz aımaqqa shyǵaryldy.
Qarýly er adam jastar sport ortalyǵynyń ǵımaratyna kirgen. Kireberiste oǵan kúzet qyzmetkeri qarsylyq kórsetken. Atystan keıin qarýly er adam balalar otyrǵan synyptyń ishimen ótip baryp, basty sportzalǵa kirgen. Sol jerde polıtseıler ony atyp óltirgen. Er adamǵa alǵashqy medıtsınalyq kómek kórsetilgenimen, ol alǵan jaraqatynan aýrýhanada qaza tapty.
Aıta keteıik, osydan úsh apta buryn Dýnkanvılden 350 shaqyrym jerde ornalasqan ıÝvald qalasyndaǵy bastaýysh mektepke qarýlanǵan er adam basa kóktep kirip, 19 bala men eki muǵalimdi óltirgen bolatyn.