Tehas shtatynda ıen qalǵan júk kóliginen 46 adamnyń máıiti tabyldy
Kólikti birinshi bolyp oqıǵa ornyna shaqyrtý boıynsha jetken jedel áreket etý qyzmetkerleri anyqtaǵan. Júk kóliginiń tirkemesinde adamdardyń óli deneleri jatqan. Olardyń barlyǵy ystyqtan nemese shólden qaıtys bolǵan. Dúısenbi kúni San-Antonıodaǵy aýanyń temperatýrasy 39,4 S-qa jetken edi.
Órt sóndirý qyzmeti ókiliniń aıtýynsha, 16 adam, onyń ishinde tórt bala aýrýhanaǵa jetkizildi. Aman qalǵandar aptap ystyqtan jáne qatty álsireýden zardap shekti. Júrgizýshi tastap ketken júk kóliginde kondıtsıoner de, aýyz sý da bolmaǵan.
Tergeý nátıjesinde úsh adam ustalyp, qamaýǵa alyndy.
AQSh-Meksıka shekarasynan 250 shaqyrym jerde ornalasqan San-Antonıo qalasy – AQSh-qa zańsyz mıgranttardy tasymaldaý úshin júk kólikterin jıi paıdalanatyn adam kontrabandashylary úshin negizgi tranzıttik jol.
Mamyr aıynda AQSh-tyń keden jáne shekara qorǵaý qyzmeti ońtústik-batys qurlyq shekarasynda 239 416 zańsyz mıgrantty anyqtaǵan. Bul – 2000 jyldan bergi eń joǵary kórsetkish.