Tegin qan tapsyratyn donorlarǵa ótemaqy mólsheri arttyrylmaq
«Qandy aqysyz tapsyratyndar úshin qosymsha eki kún demalys berý zańnamamen bekitilgen. Donorlarǵa energetıkalyq shyǵyndy qalpyna keltirý úshin buıryqpen aıqyndalǵan 0,25 AEK (923 teńge) mólsherinde ótemaqy tólenedi. Degenmen, esepteýlerge sáıkes, donordyń qan tapsyrǵan kúngi energetıkalyq shyǵynyn qalpyna keltirý úshin 4 790 kkal-dy qamtamasyz etetin taǵam qajet. Bul aqshaǵa shaqqanda 4 269,11 teńgeni nemese 1,25 AEK-ti (2023 jylǵy AEK-pen eseptegende) quraıdy», - dedi Tamara Dúısenova jaýabynda.
Onyń atap ótýinshe, donorlarǵa tólenetin ótemaqyny kóterý úshin qosymsha shamamen 848 mln teńge qajet.
«Qazirgi ýaqytta Densaýlyq saqtaý mınıstrligi donorlarǵa tólemniń ólshemsharttary men mólsheri erejesine tegin donorlarǵa aqshalaı ótemaqyny 0,25 AEK-ten (923) 1,25 AEK-ke (4 615 teńge) deıin arttyrý bóliginde ózgertýler engizý máselesin pysyqtap jatyr. Bul usynysty Respýblıkalyq bıýdjettik komıssııa qaraýyna usyný josparlanyp otyr», -dedi vıtse-premer.
Buǵan deıin elimizde «Qurmetti donor» tósbelgisi qaıtadan berile bastaıtyndyǵyn jazǵan edik.