Tegin medıtsınalyq kómek tizbesin jańartý qajet - Eljan Birtanov
«2020 jyldan bastap kózdelgen tegin medıtsınalyq kómek pen mindetti áleýmettik medıtsınalyq saqtandyrý tizbeleri áleýmettik aýyrtpalyqtyń joǵary táýekelderine alyp keledi. Birinshiden, 2020 jyldan kúshine enetin tegin medıtsınalyq kómek pen mindetti áleýmettik medıtsınalyq saqtandyrý tizbeleriniń redaktsııasy medıtsınalyq kómektiń qoljetimdiligin tómendetýi múmkin», - dedi ol.
Mınıstrdiń aıtýynsha, saqtandyrylmaǵan azamattar josparly statsıonarlyq jáne amýlatorııalyq-emhanalyq kómektiń qoljetimdiliginen, sonymen qatar dárilik zattarmen qamtamasyz etýden aıyrylýy yqtımal.
«Ekinshiden, saqtandyrylmaǵan azamattarǵa medıtsınalyq kómekti birden shekteýge baılanysty táýekelderdi tómendetý maqsatynda ótpeli kezeń qarastyrylǵan. Alaıda, osy kezeńde jumys isteıtin azamattar mindetti medıtsınalyq saqtandyrý júıesine salyq pen jarnalardy tóleýge májbúr. Al saqtandyrylmaǵan azamattar arnaıy tólemsiz medıtsınalyq kómekke ıe bolady»,- dedi Eljan Birtanov.
Onyń atap ótýinshe, úshinshiden, tegin medıtsınalyq kómektiń kólemin jańartý qajet.
«Tegin medıtsınalyq kómektiń osy tizbesi 2009 jyldan beri aıtarlyqtaı qaıta qaralǵan joq. Osy ýaqyttan bastap densaýlyq saqtaý salasynda jańa tehnologııalar paıda boldy. Aýrýlardy emdeý jáne basqarý standarttary ózgerdi. Qazaqstan halqynyń sany 2,1 mln adamǵa ulǵaıdy. Ómir súrý uzaqtyǵy 3,5 jylǵa ósti. Halyqtyń jynystyq jas quramy ózgerdi»,- dedi ol.
Mınıstr tórtinshiden, memlekettik kepildikterdiń aǵymdaǵy redaktsııasynda 362,5 mlrd teńge mólsherinde tegin medıtsınalyq kómektiń tapshylyǵy saqtalatyndyǵyn eskertti.
«Múmkin bolatyn qaýipterdiń aldyn alý úshin tegin medıtsınalyq kómek pen mindetti áleýmettik medıtsınalyq saqtandyrý júıesiniń jańa modelin kezeń-kezeńimen engizýdiń negizinde medıtsınalyq qamtamasyz etýdiń úsh deńgeıli deńgenin qalyptastyrý usynylady»,- dedi Eljan Birtanov.