Tegi nıgerııalyq Almaty turǵyny áskerge alyndy

ALMATY. QazAqparat - Almatyda Áýe qorǵanysy kúshterinde boryshyn óteýshiler áskerge attandy, dep habarlaıdy QazAqparat tilshisi.

Almaty áskerı basqarmasynyń qatań irikteýinen irkilmeı ótken bolashaq sarbazdar Áýe qorǵanysy kúshteriniń quramynda boryshyn óteýge múmkindik alyp otyr. Solardyń arasynda Maıkl Jozef te bar. Ony anasy Galına Mkpo-Semenova sáttilik tilep shyǵaryp saldy.

«Ulym - Qazaqstan azamaty. Demek, Qazaqstan armııasynda boryshyn óteýi tıis. Shaqyrtý kelgende óz qalaýymen sheshim qabyldady» - deıdi Galına Mkpo-Semenova.

Almatyda týǵan Maıkldyń balalyq shaǵy da osynda ótken eken. Keıin Nıgerııada biraz jyl bolyp, Qazaqstanǵa oralǵan.

«Ol orys, aǵylshyn tilderinde erkin sóıleıdi. Qazaq tilin de azdap biledi. Qasyndaǵylar soǵan tańǵalysyp jatyr» - deıdi anasy.

Búginge deıin Almaty qalasynan Qazaqstannyń qarýly kúshterine 700-den astam sarbaz attanǵan.