Tegerandaǵy apat: Ushaq bortynda 7 eldiń azamattary bolǵan

KIEV. ÝKRINFORM - QazAqparat – Tegeranda apatqa ushyraǵan Ýkraına ushaǵynda mert bolǵandardyń basym bóligi – Iran jáne Kanada azamattary. Bul týraly Ýkraına syrtqy ister mınıstri Vadım Prıstaıko Twitter-de jazdy. QazAqparat bul týraly ÝKRINFORM agenttigine silteme jasap habarlaıdy.

«Qazir PS752 apatynda qaza tapqandardyń qaı eldiń azamaty ekendigi jaıly mynadaı aqparat bar: Iran – 82; Kanada – 63; Ýkraına - 2 + 9 (ekıpaj); Shvetsııa – 10; Aýǵanstan - 4; GFR - 3; Ulybrıtanııa – 3», - dep jazdy Ýkraına SІM basshysy Prıstaıko.

Ol áýe apatynda adamdardyń qaza bolýyna baılanysty kóńil aıtyp, Ýkraına bıligi tergeý júrgizip jatqanyn atap ótti.

Agenttiktiń habarlaýynsha, sársenbi, 8 qańtarda Tegeran ýaqytymen 6:00-de Imam Homeını atyndaǵy áýejaıdan Tegeran-Kıev baǵytymen ushyp shyqqan «Ýkraına halyqaralyq áýe jelileri» áýe kompanııasynyń Boeing-737 ushaǵy apatqa ushyrady.

Onyń bortynda 177 adam bolǵan: 168 jolaýshy jáne 9 ekıpaj múshesi. Barlyǵy mert boldy.

Ýkraına prezıdenti Vladımır Zelenskıı qaza tapqandardyń otbasylaryna kóńil aıtty.