Tegeranda qulaǵan Ýkraına ushaǵyndaǵy jolaýshylardyń barlyǵy mert boldy

NUR-SULTAN. QazAqparat – Ýkraınanyń jolaýshylar laıneri búgin tań ata Imam Homeını atyndaǵy Tegeran halyqaralyq áýejaı mańynda apatqa ushyrady, dep habarlaıdy QazAqparat Irna agenttigine silteme jasap.

Kıevke baǵyt alǵan ushaq bortynda 170 jolaýshy bolǵan. Tegeran áýejaıynan ushqannan keıin apatqa ushyraǵan «Halyqaralyq Ýkraına áýe jelisiniń» Boeing-737 ushaǵynyń barlyq jolaýshylary mert boldy.

Budan buryn, Azamattyq avıatsııa uıymynyń ókili Irana Reza Djafarzade ushaq órtke oranyp, adamdardyń aman qalýy múmkin emestigin málimdegen. Ol qazirgi ýaqytta qutqarýshylar tilsiz jaýdy aýyzdyqtap jatqanyn jetkizdi.

PS752 ýkraına reısi Máskeý ýaqytymen tańǵy 5:42-de Tegerannan ushyp, 2 mınýt ótkennen keıin ushaqpen baılanys úzilgen.

Osyǵan deıin Iranda 180 jolaýshysy bar Ýkraına ushaǵy apatqa ushyraǵanyn habarlaǵan bolatynbyz.

QR Syrtqy ister mınıstrligi qulaǵan ushaqta qazaqstandyqtardyń joq ekenin málimdedi.