Tegeran ýnıversıtetinde aqyn Rasýl Ǵamzatovqa arnalǵan eskertkish ashyldy

<p>Iranda halyq aqyny Rasýl Ǵamzatovqa arnalǵan eskertkishtiń ashylý saltanaty boldy. Іs-shara Tegerandaǵy Shahıd Beheshtı atyndaǵy ýnıversıtette ótti. <a href="Kazinform." target="_blank" rel="noopener">Kazinform</a> bul týraly <a href="https://mir24.tv/news/16575721/pamyatnik-rasulu-gamzatovu-otkryli-v-universitete-tegerana" target="_blank" rel="noopener">Mir24</a>-ke silteme jasap habarlaıdy.&nbsp;</p>

Saltanatty sharaǵa Daǵystan memlekettik ýnıversıtetiniń rektory Murtazalı Rabadanov bastaǵan delegatsııa, aqynnyń qyzy Salıhat Ǵamzatova, Daǵystan ýnıversıtetiniń, Reseıdiń Irandaǵy elshiliginiń ókilderi jáne jergilikti ǵalymdar qatysty.

Bıýst ornatýǵa Daǵystan memlekettik ýnıversıteti bastamashy boldy. Ol daǵystandyq músinshi Shamıl Kanaıgadjıevtiń qolynan shyqty.

Ýnıversıtet rektory Seıed Mahmýd-Rezanyń aıtýynsha, ýnıversıtetke bıýst ornatý — Reseı men Islam Respýblıkasy arasyndaǵy mádenıetke, poezııaǵa degen qyzyǵýshylyqtyń, mádenı baılanystyń ornyǵýy. 

Qyrkúıektiń sońynda Reseı prezıdenti Vladımır Pýtın Máskeýde ótken Rasýl Ǵamzatovtyń 100 jyldyǵyna arnalǵan saltanatty sharada sóz sóıledi. Ol keńestik jáne orys aqynynyń óleńderin «ómir oqýlyǵy» dep atady.