Tegeran Astanadaǵy Sırııa kelissózderine (Astana protsesi) AQSh-tyń qatysýyna qarsy

ASTANA. QazAqparat - Tegeran Astanada 23 qańtar kúni ótetin Sırııa kelissózderine (Astana protsesi) AQSh-tyń qatysýyna qarsy. Bul týraly  Iran SІM basshysy  Djavad Zarıfke silteme jasap   ırandyq Tasnım agenttigi habarlady, dep jazady RIA Novostı.

«Biz AQSh-tyń qatysýyna qarsymyz (Astanadaǵy kelissózderge)», - dep málimdedi Zarıf agenttikke. «Biz AQSh-ty shaqyrǵan joqpyz, olardyń qatysýyna qarsymyz», - dep qosty SІM basshysy.

Buǵan deıin Reseı prezıdenti Pýtın túrik kóshbasshysy Taıyp Erdoǵanmen Sırııada qaqtyǵysýshy taraptarǵa Astanada jańa alańda beıbit kelissóz úderisin jalǵastyrýdy usyný jaıly ýaǵdalasqanyn habarlaǵan . Onyń aıtýynsha, bul Jeneva kelissózderin tolyqtyrady. 

Qazaqstan Prezıdenti Nursultan Nazarbaev Pýtın jáne Erdoǵanmen telefon arqyly sóılesý barysynda bul bastamany qoldap, Qazaqstan elordasynda mundaı kelissózder júrgizý úshin qajetti jaǵdaı jasaýǵa daıyn ekenin málimdedi .