Tbılısıde «Transkaspıı halyqaralyq kólik baǵdarynyń» kezekti jalpy jınalysy ótti
Otyrysqa Qazaqstan, Grýzııa, Túrkııa jáne Ázerbaıjan temirjol ákimshilikteriniń, keme qatynasy kompanııalary men porttarynyń basshylary qatysty. Grýzııanyń vıtse-premer-mınıstri, ekonomıka jáne turaqty damý mınıstri Levan Davıtashvılı quttyqtaý sóz sóıledi.
Otyrysqa qatysýshylar qaýymdastyqtyń jumysy týraly esepti tyńdap, marshrýttaǵy tasymaldardyń jalpy oń qarqynyn jáne Eýropa, Ortalyq Azııa men Qytaı arasyndaǵy tranzıttik aǵyndardy qamtamasyz etýdegi artyp kele jatqan rólin atap kórsetti.
Qaýymdastyq músheleriniń jalpy kúsh-jigeri arqasynda 2022 jyldyń 9 aıynda THKB baǵyty boıynsha júkterdi tasymaldaý kólemi ótken jyldyń sáıkes kezeńimen salystyrǵanda 2,7 esege artyp, 1 mln 84 myń tonnany quraǵany atap ótildi.
Ósimniń úlken úlesi eksportqa keledi. Baǵdar boıynsha Qazaqstannan eksporttyq tasymaldaý kólemi 7,9 esege artyp otyr.
Qatysýshylarmen orta dáliz boıynsha konteınerlik tasymaldar kóleminiń odan ári ósimin qamtamasyz etý jáne marshrýtta qolaıly jaǵdaılar jasaý úshin birqatar sharalar ázirlendi.
Aıta keteıik, Transkaspıı halyqaralyq kólik baǵdary (THKB) Qazaqstan, Qytaı, Kaspıı teńiziniń akvatorııasy, Ázerbaıjan, Grýzııa, Túrkııa jáne Qara teńiz arqyly ári qaraı Eýropa elderine ótedi. «THKB» qaýymdastyǵynyń músheleri – 20 kompanııa, onyń ishinde 8 eldiń temirjol ákimshiligin qosqanda porttar, keme qatynasy jáne logıstıkalyq kompanııalar bar.