Tbılısıde sherýge qatysqan 8 adam aýrýhanaǵa jetkizildi

<p>ASTANA. KAZINFORM &ndash; Grýzııa Densaýlyq saqtaý mınıstrligi Tbılısıdegi parlament janynda sheteldik agentter týraly zańǵa qarsy narazylyq aktsııasyna shyqqan 8 adamnyń aýrýhanaǵa jetkizilgenin málimdedi. Bul týraly <a href="https://www.newsgeorgia.ge/minzdrav-soobshhil-o-gospitalizacii-vosmi-postradavshih-demonstrantov-v-tbilisi/" target="_blank" rel="noopener">NGnewsgeorgia</a> jazdy.</p>

«Zardap shekkender túrli dene jaraqatyn aldy. Onyń ishinde bet, bas jáne dene bólikteriniń jaraqattary bar. Keıbireýlerine ýlaný jáne tynys alý joldarynyń asqynýy dıagnozy qoıyldy», - delingen vedomstvo habarlamasynda.

Zardap shekkenderdiń biri aýrýhanadan shyqty. Jeti adam dárigerlerdiń baqylaýyna alyndy. 

Qazirgi kezde 20 jedel járdem brıgadasy kezekshilik etýde. Ondaǵan sherýshige, sondaı-aq ІІM-niń bir qyzmetkerine oqıǵa ornynda kómek kórsetildi. 

1 mamyr kúni keshke Grýzııa parlamenti aldyna myńdaǵan adam jınalyp, zańnyń keri qaıtarylýyn talap etti. Arnaıy jasaq ǵımarat kireberisinde demonstranttarǵa qarsy kózden jas aǵyzatyn gaz ben sý atqysh qurylǵylar qoldanǵan. Sondaı-aq rezeńke oqtar qoldanǵany týraly habarlandy.

BAQ budan zardap shekkender túsirilgen kadrlardy kórsetkenimen, Grýzııanyń ІІM olardy qoldanǵanyn joqqa shyǵardy.