Tbılısıde saılaýdaǵy burmalaýshylyqtarǵa baılanysty mıtıng ótip jatyr

<p>ASTANA. KAZINFORM &ndash; Jeskenbi kúni Grýzııanyń Ortalyq saılaý komıssııasy parlamenttik saılaýdyń aldyn ala qorytyndylaryn jarııalady. Ol boıynsha &laquo;Grýzııa armany&raquo; partııasy<strong> </strong>54% daýys jınaǵan, dep habarlaıdy <a href="https://www.bbc.com/russian" target="_blank" rel="noopener">VVS</a>.</p>

Osy oqıǵadan soń el prezıdenti Salome Zýrabıshvılı elde ótken parlamenttik saılaýdy «barynsha burmalanǵan» dep baǵalady.

Zýrabıshvılı bul málimdemeni basty tórt oppozıtsııalyq kúshtermen keńesip baryp jasady. Olar parlamenttik saılaýdyń nátıjesin moıyndamaı otyr.

«Myqty Grýzııa» oppozıtsııalyq koalıtsııasynyń kóshbasshysy Mamýkı Hazaradzeniń aıtýynsha, aktsııa beıbit túrde ótedi jáne onyń barysynda odan ári áreket etý jospary jarııalanady.

«Búgin saǵat 19:00-de eń basty qundylyǵy – ózderiniń tańdaýyn joǵaltqan adamdardy kútemiz. Biz elimizdiń árbir azamaty men saılaýshysynyń daýsyn qorǵaımyz», - dedi Hazaradze.

Aıta keteıik, ekzıtpýldardyń málimetteri boıynsha, «Ózgeris úshin» koalıtsııasy ekinshi orynda tur (12,6%). «Birlik – ulttyq qozǵalys» birlestigine kiretin, Mıhaıl Saakashvılı negizin qalaǵan «Biryńǵaı ulttyq qozǵalys» partııasy 11,6% daýys jınady. Tórtinshi orynda 7%-pen «Kúshti Grýzııa» koalıtsııasy tur.

Ózge partııalar 5 paıyzdyq mejeni baǵyndyra almady.