Tbılısıde polıtsııa narazylyq bildirýshilerdi sý shashyp taratpaq boldy

<p>ASTANA. KAZINFORM &ndash; Tbılısıde juma kúni keshke jáne túnde el úkimetiniń Eýropalyq Odaqqa kirý jónindegi kelissózderdi toqtatý týraly sheshimine narazylyq sherýleri jalǵasty. Habarlanǵandaı, ekinshi kún qatarynan polıtsııamen qaqtyǵystar bolyp, adamdar qamaýǵa alynyp jatyr. Polıtseılerdiń arnaıy jasaǵy narazylyq bildirýshilerdi Grýzııa parlamentiniń ǵımaratynan sý atqyshtar jáne kózden jas aǵyzatyn gaz qoldanyp yǵystyrdy, dep habarlaıdy&nbsp;<a href="https://www.bbc.com/russian/articles/c1lgl5497j0o" target="_blank" rel="noopener">VVS</a>.</p>

Juma kúni keshke Rýstavelı dańǵylyndaǵy parlament ǵımaratyna birneshe ondaǵan myń adam jınaldy.

BBC tilshileriniń habarlaýynsha, olardyń sany burynǵydan da kóp boldy.

Narazylyq bildirýshilerdiń keıbiri parlament ǵımaratynyń syrtyndaǵy temir qorshaýdy soqty. Jaǵdaı polıtseıler shoǵyrlanǵan kórshi 9 sáýir kóshesinde jáne ǵımarattyń artqy jaǵynda ýshyǵyp otyrdy. Arnaıy jasaqtar men tehnıka dańǵyldyń sońyndaǵy Bostandyq alańyna da narazylyq bildirýshilerden birneshe júz metr qashyqtyqta shoǵyrlanǵan.

Polıtseıler demonstranttarǵa qarsy sý atqyshtaryn qoldandy, biraq olar taramady. Túnde polıtsııa narazylyq bildirýshilerdi parlament ǵımaratynan yǵystyrdy. Demonstranttar qatary sıredi, biraq olardyń eń belsendileri Rýstavelı dańǵylynda qaldy.

Olar sý atqyshtarynan qorǵanýǵa tyrysyp, oryndyqtar men qoqys jáshikterinen barrıkadalar turǵyza bastady. Kóptegen demonstranttardyń qorǵanys quraldary – kózildirikter men medıtsınalyq maskalar (kózden jas aǵyzatyn gaz qoldanylǵan jaǵdaıda) boldy.

Juma kúni de zardap shekkenderdiń arasynda telshiler men teleoperatorlar boldy.

Sherýshiler tańǵy ýaqytta áli de Rýstavelı dańǵylynda bolyp, barrıkadalardy kúsheıtip otyrdy. Olar ot jaǵyp, «Sakartvelo!» dep urandatty jáne Grýzııa men Eýropalyq Odaqtyń týlaryn jelbiretti.

Olarǵa qarama-qarsy polıtsııanyń arnaıy jasaq quramy turdy.

Aktsııa tań atqansha aıaqtaldy. Polıtsııanyń qalǵan sherýshilerdi tutqyndaǵany týraly beınejazbalar paıda boldy.

ІІM zardap shekken sherýshiler sany týraly málimet bergen joq. Eki kúnniń ishinde narazylyq aktsııasyna qatysqan 150-ge jýyq adam ustaldy.

Osyǵan dein Grýzııadaǵy prezıdent saılaýy 14 jeltoqsanǵa belgilengeni týraly jazdyq.