Tbılısıde narazylyq bildirýshiler men oppozıtsııalyq bloger ustaldy

<p>ASTANA. KAZINFORM &ndash; Sońǵy 24 saǵat ishinde Grýzııada birneshe oppozıtsııalyq saıasatker men belsendige shabýyl jasaldy.</p>

Tbılısıde áskerı bloger jáne oppozıtsııa belsendisi Ýchı Abashıdzeniń tutqyndalýyna qarsy narazylyq aktsııasy kezinde birneshe adam ustaldy. Mıtıngke qatysýshylar joldy jabýǵa árekettenip, polıtsııamen qaqtyǵysyp qaldy. 

Abashıdzege atys qarýyn zańsyz saqtady degen aıyp taǵylyp otyr. Grýzııanyń Іshki ister mınıstrligi de úkimettik saıttarǵa kıbershabýyl jasaý isine baılanysty belgili blogerdiń úıinde tintý júrgizilgenin habarlady.

Tbılısıdegi narazylyq sharasyna baılanysty Eýropa kúnine arnalǵan kontsert toqtatyldy.

Parlamenttiń «Syrtqy yqpaldyń ashyqtyǵy týraly» zańdy qaraýyna baılanysty eldegi jaǵdaı ýshyǵa tústi. Synshylar Reseıdiń sheteldik agentter týraly zańynyń analogy dep ataıtyn zań jobasyna qarsy narazylyq Grýzııada birneshe aptadan beri tolastamaı keledi.

Sońǵy 24 saǵat ishinde birqatar úkimetti synaýshylarǵa shabýyl jasaldy. Zardap shekkenderdiń biri, Mıhaıl Saakashvılıdiń oppozıtsııalyq «Birikken ulttyq qozǵalys» partııasynyń baspasózben baılanys jónindegi hatshysy Dmıtrıı Chıkovanı aýyr jaraqatpen aýrýhanaǵa tústi.

Grýzın oppozıtsııasy bul zań qarsy pikirdi basý úshin qoldanylady dep qaýiptenedi, al Grýzııanyń qaýipsizdik qyzmeti sherýshilerdi úkimetti qulatýdy kózdep otyr dep aıyptaıdy.

Juma kúni Eýropanyń segiz eli — Danııa, Islandııa, Latvııa, Lıtva, Norvegııa, Estonııa, Fınlıandııa jáne Shvetsııa — birlesken málimdemede Grýzııa Parlamentinde qaralyp jatqan zań jobasy eýropalyq normalar men qundylyqtarǵa sáıkes kelmeıtinin kórsetip, Grýzııanyń saıası kóshbasshylaryn ony qaıta qaraýǵa shaqyrdy.

Grýzııa Parlamenti zań jobasyn 13 mamyr kúni qaıta qaraıdy, sońǵy daýys berý 17 mamyrǵa josparlanǵan.