Tbılısıde myńdaǵan adam taǵy da qarsylyq sherýine shyqty

TBILISI. QazAqparat – Búgin keshke Grýzııa astanasy Tbılısıde myńdaǵan adam «shetel agentterine» qatysty zańǵa narazylyq bildirip sherýge shyqty, dep habarlaıdy QazAqparat Novostı Grýzııa saıtyna silteme jasap.

Kóptegen myńdaǵan azamat Grýzııanyń parlament ǵımaraty aldynda jınalýda.

Aıta keteıik, keshe Tbılısıde «shetel agentterine» qatysty zańǵa narazylyq bildirýshi toptyń áreketi polıtsııamen qaqtyǵysqa ulasqan. Polıtsııa narazylyq bildirýshilerge qarsy kózden jas shyǵaratyn gaz ben sý atqyshtardy qoldanǵan.

Grýzııa televızııasy kórsetken beınekórinisterde narazylyq bildirýshiler qoldaryna Grýzııa men Eýroodaqtyń týyn ustap shyqqan.