Tbılısıde Abaıǵa eskertkish ornatyldy
Atalǵan is-shara Qazaqstan men Grýzııa arasyndaǵy dıplomatııalyq qarym-qatynastardyń ornaǵanyna 30 jyl tolýyna oraı uıymdastyryldy.
«Bul eki el arasyndaǵy dostyǵymyzdyń taǵy bir nyshany bolary sózsiz. Abaı murasy tek bizdiń elimiz úshin ǵana emes, búkil adamzat úshin zor qundylyq bolyp tabylady. 2020 jyly biz Uly Abaıdyń 175 jyldyq mereıtoıyn atap óttik. Kórsetilgen osynaý qurmet úshin Grýzııa Úkimeti men halqyna alǵys aıtamyn»
, – dedi Qaıyrbek Óskenbaev.
Tbılısıge jumys saparymen barǵan mınıstr Grýzııanyń vıtse-premeri, ekonomıka jáne turaqty damý mınıstri Levan Davıtashvılımen kezdesti. Kelissózder barysynda kólik, aqparattyq tehnologııalar jáne ınnovatsııalar salasyndaǵy saýda-ekonomıkalyq yntymaqtastyqty damytý perspektıvalary sııaqty mańyzdy máseleler qozǵaldy.
Qaıyrbek Óskenbaevtyń aıtýynsha, Qazaqstan men Grýzııa arasyndaǵy saýda qatynastaryn ulǵaıtýda aıtarlyqtaı áleýet baıqalady. Mınıstr búgingi tańda qazaqstandyq kompanııalar metallýrgııa, munaı-hımııa, tamaq jáne mashına jasaý salalarynda óńdelgen taýarlarynyń Grýzııaǵa eksportyn arttyrýǵa daıyn ekenin atap ótti. Olardyń qatarynda farmatsevtıka men qurylys salasy da bar.
Sondaı-aq, mınıstr Grýzııanyń Qorǵanys mınıstri Býrchýladze Djýanshermen kezdesip, saýda-ekonomıkalyq yntymaqtastyq jónindegi úkimetaralyq komıssııa otyrysynyń jumysyna qatysýdy josparlap otyr.
Aıta keteıik, buǵan deıin Qazaqstan Grýzııaǵa munaı ónimderi men gazdy az, al bolat prokatyn kóp eksporttaı bastaǵany týraly jazylǵan.