Tazy men tóbet ǵylymı zerttelip, arnaıy mamandar daıarlanady
«Tazy men tóbetti saqtaýǵa, tanytýǵa qatysty barlyq jumys eki baǵytta júrip jatyr. Eń aldymen olardy qazaqy ıt tuqymy retinde álemge tanytý mańyzdy. Ekinshisi - el ishinde júıeli jumysty jolǵa qoıý. QR Prezıdenti is basqarmasy atalǵan mindetti oryndaýdy bir jyldan astam ýaqyt buryn óz qaraýyna aldy. Qysqa merzim ishinde aýqymdy jumys atqaryldy. Aıtarlyqtaı nátıje bar. Odan bólek, zańnamalyq baza jańartyldy», - deıdi QR Prezıdenti Іs basqarýshysynyń orynbasary Sergeı Horoshýn.
Onyń aıtýynsha, atalǵan jumysty atqarýǵa QR Prezıdenti is basqarmasynyń mamandary, salalyq mınıstrlik ókilderi, depýtattar men qoǵam qaıratkerleri belsendi qatysty.
«Tazy, tóbetterdi saqtaý men tanytý boıynsha ýákiletti organ - Ekologııa jáne tabıǵı resýrstar mınıstrligi. Mınıstrlikke qarasty «Ohotzooprom» kásipornynyń bazasynda tazy jáne tóbet ulttyq ortalyǵy quryldy. Munda ǵylymı zertteýler, standart ázirleý, mamandardy oqytý jáne kınologııalyq uıymdarmen jumys jasaý boıynsha áli de úlken qajyrly jumys kútip tur. Barshańyzǵa osy mańyzdy mıssııada sáttilik tileımin. Biz halqymyzdyń jeti qazynasynyń birin saqtap, kóbeıte alamyz», - deıdi ol.
Aıta keteıik, tamyzda Jenevada halyqaralyq kınologııa federatsııasy (FCI) bas assambleıasynyń otyrysy aıasynda uıymdastyrylǵan World Dog Show-2023 ıtter kórmesine Qazaqstannan eki tazy qatysatyny aıtyldy.
Atalǵan kórmede qazaqtyń qos tazysy eń joǵarǵy tıtýldarǵa ıe boldy.
Eske sala ketsek, 2022 jyly Memleket basshysy Qasym-Jomart Toqaev tıisti organdarǵa ulttyq ıt tuqymdary – qazaqy tazy men tóbetti saqtaý jáne qalpyna keltirý, sondaı-aq ony tóltýma qazaqy ıt tuqymdary retinde halyqaralyq deńgeıde tanytýdy tapsyrǵan bolatyn.
Atalǵan máseleni QR Prezıdenti Іs basqarmasy óz qaraýyna alyp, júıeli sheshim qabyldaý úshin memlekettik organdarmen birlesken jumysqa kiristi.