Tájikstanda «ulttyq mádenıetke jat» kıim kııýge tyıym salyndy

<p>ASTANA. KAZINFORM &ndash; Tájikstan Respýblıkasynyń Prezıdenti Emomalı Rahmon &laquo;Tájikstan Respýblıkasyndaǵy merekeler men ádet-ǵuryptardy retteý týraly&raquo; zańǵa qol qoıdy. Ol elde &laquo;ulttyq mádenıetke jat&raquo; kıim kııýge tyıym salynatynyn málimdedi. Bul týraly Hovar aqparat agenttigi jazdy.&nbsp;</p>

Emomalı Rahmon 35 zańǵa qol qoıdy, onyń ishinde «Tájikstan Respýblıkasyndaǵy merekeler men ádet-ǵuryptardy retteý týraly», «Balany oqytý men tárbıeleýdegi jaýapkershilik týraly», «Tájik ulttyq ýnıversıteti týraly», «Tájikstan ulttyq ýnıversıteti týraly», «Esepteý kórsetkishteri týraly» zańdar jáne t.b. bar. 

«Tájikstan Respýblıkasyndaǵy merekeler men ádet-ǵuryptardy retteý týraly» zańda basqalarmen qatar «ulttyq mádenıetke jat» kıim kııýge jáne satýǵa tyıym salynady. Zańdy oryndamaǵany úshin aıyppul qarastyrylǵan. Bul rette kıimniń qaı túri «ulttyq mádenıetke jat» dep sanalatyny naqty kórsetilmegen.

Hovar málimetinshe, jańa redaktsııadaǵy zańdar ulttyq mádenıettiń shynaıy qundylyqtaryn qorǵaýǵa, merekeler men salt-dástúrlerdi ótkizý kezinde yrymshyldyq pen nanym-senimge, ysyrapshyldyqqa jol bermeýge, Tájikstan halqynyń rýhanı jáne áleýmettik-ekonomıkalyq deńgeıin kóterýge, sondaı-aq balanyń quqyqtary men bostandyqtaryn qorǵaý, balany adamgershilik, patrıottyq maqtanysh, ulttyq jáne jalpyadamzattyq qundylyqtardy qurmetteý rýhynda oqytý jáne tárbıeleýge baǵyttalǵan. 

Qol qoıylǵan zańdar baspasózde jarııalanady. 

Aqparatty «Hovar» seriktes agenttigi Kazinform úshin arnaıy usyndy.