Tájikstanda uly anasyn 136 márte pyshaqtap óltirdi

<p>Tájikstannyń Konıbodom qalasynda anasyn aıýandyqpen óltirdi degen aıyppen 32 jastaǵy azamat qamaýǵa alyndy. Ol anasyna 136 ret pyshaq suqqan. Bul týraly Tájikstannyń Іshki ister mınıstrliginiń Soǵdy oblysy boıynsha baspasóz hatshysy Akbar Sharıfı <a href="https://www.asiaplustj.info/ru/news/tajikistan/laworder/20231211/zhitel-kanibadama-ubil-mat-udariv-ee-nozhom-bolee-135-raz" target="_blank" rel="noopener">Asia-plus</a> agenttigine málimdegen, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

24 qarashada qamaýǵa alynǵan Shahrıer Normatov pen onyń 65 jastaǵy anasy Halımadjon Normatova arasynda janjal bolǵany aıtylady.

Ana men bala arasyndaǵy kıkiljińniń sebepteri belgisiz.

Tergeý kezinde anasynyń qalaı qaıtys bolǵanyn Shahrıer Normatovtyń ózi aıtyp berdi.

«Ol pyshaq ala júgirip, meni urmaq boldy. Biraq men odan pyshaqty tartyp alyp, betinen bir ret urdym. Sosyn ishine, qolyna, moınyna, basyna pyshaq suǵyp aldym. Ol qulap óldi…» deıdi ol. 

Tergeý barysynda anyqtalǵandaı, Normatov áıelge 136 ret pyshaq suǵyp, qylmystyń izin jasyrý úshin áıeldiń qandy kıimin aýystyryp, bólmesine aparyp, tósekke jatqyzyp, edenniń qanyn jýyp, kisi óltirý úshin qoldanylǵan pyshaqty tazalap, izin sýytqan.

«Kelesi kúni ǵana Normatov týystaryna anasynyń kútpegen jerden qaıtys bolǵanyn habarlady, biraq áıeldiń týystarynyń biri onyń moınyndaǵy jaralardy baıqaǵan. Óltirgen balanyń týystary „kútpegen jerden jáne kenetten qaıtys boldy“ degen habarǵa senbegen» delingen habarlamada.

Sondaı-aq áıeldiń psıhıkalyq aýrýmen aýyrǵany jáne 1993 jyldan beri jergilikti psıhıatrııalyq aýrýhanada esepte turǵany belgili boldy.

Akbar Sharıfıdiń aıtýynsha, Shahrer Normatovtyń psıhıkalyq jaǵdaıy psıhıatrııalyq saraptamadan ótedi, biraq ol áli psıhologtardyń tekserýinen ótpegen.

Shahrıer Normatovqa Qylmystyq kodekstiń 104-baby (vsa qatygezdikpen kisi óltirý) boıynsha aıyp taǵyldy.

Ol 25 jylǵa nemese ómir boıyna bas bostandyǵynan aıyrylýy múmkin.