Tájikstanda sýǵa batyp ketken 9 jastaǵy qyzdyń denesi Ózbekstannan tabyldy

<p>ASTANA. Kazinform &ndash; Tájikstanda bir aıdan astam ýaqyt buryn joǵalyp ketken 9 jastaǵy qyzdyń máıiti Ózbekstannyń Syrdarııa aýdanyndaǵy kanaldardyń birinen tabyldy. Bul týraly <a href="https://www.asiaplustj.info/ru/news/tajikistan/incidents/20240313/telo-propavshei-devochki-iz-hudzhanda-obnaruzhili-v-odnom-iz-kanalov-uzbekistana" target="_blank" rel="noopener">Asia-Plus</a> habarlady.</p>

Tájikstannyń Tótenshe jaǵdaılar jáne azamattyq qorǵanys komıteti Ózbekstannyń Tótenshe jaǵdaılar mınıstrliginen qyzdy tabýǵa kómek surady.

Tájik tarapynyń ótinishi boıynsha osy jyldyń 2-12 naýryzynda Ózbekstan Tótenshe jaǵdaılar mınıstrliginiń súńgýir-qutqarý qyzmeti Syrdarııada izdestirý jumystaryn júrgizdi. Іzdestirý jumystaryna Ózbekstannyń Syrdarııa oblysy Shırın qalasyna jaqyn ornalasqan aýyldardyń turǵyndary da tartylǵan.

«Іzdestirý jumystarynyń nátıjesinde qyzdyń máıiti 12 naýryz kúni saǵat 15:15-te Syrdarııa aýdany, Shırın qalasy arqyly ótetin Ońtústik Myrzashól kanalynyń oń jaǵalaýynan tabyldy», – delingen habarlamada.

Sondaı-aq Ózbekstan zańnamasyna sáıkes qyzdyń denesi Syrdarııa oblysynyń Boevýt aýdanyndaǵy emdeý mekemesiniń máıithanasyna tapsyrylyp, keıin týystaryna berilgen.

Aqparatqa sáıkes, qyz 2024 jyldyń 7 aqpanynda Hodjent qalasynda joǵalyp ketken. Ol sońǵy ret Syrdarııa jaǵalaýyndaǵy Kamolı Hodjandı saıabaǵynyń janyndaǵy Rahmon Nábıev kóshesinen túsirilgen vıdeoda kóringen.

Onyń úıi osy aýdanda bolatyn. Vıdeoda qyzdyń jol boıymen júgirip, ózen jaǵasyna qulap jatqanyn kórýge bolady.

Joǵalǵan qyzdyń denesin izdeý jumystaryn Hodjent jáne Soǵdy oblystarynyń tótenshe jaǵdaılar jónindegi shtaby aqpan aıy boıy júrgizdi. Qala jáne aýdan basqarmalarynyń jedel otrıadynan súńgýirler tartyldy.

Tájikstannyń Tótenshe jaǵdaılar jáne azamattyq qorǵanys komıtetiniń Soǵdy basshylyǵy qyzdyń uzaq izdestirýden keıin dálelder jetkiliksiz bolǵandyqtan ózenge batyp ketpeýi múmkin degen boljam jasaǵan. Degenmen, qyzdyń ata-anasy balasynyń sýǵa batyp ketkenin aıtqan.