Tájikstanda qar kóshkini men tas qulaý qaýpi kúsheıdi

<p>ASTANA. KAZINFORM &ndash; Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıteti el turǵyndary men qonaqtaryna aldaǵy kúnderi respýblıkanyń taýly aımaqtarynda, &laquo;Dýshanbe &ndash; Hýdjand&raquo;&nbsp; avtojolynyń aýmaǵynda jáne Taýly-Badahshan avtonomııalyq oblysynyń batys aýdandarynda qar kóshkini men tas qulaý qaýpi joǵary bolatynyn eskertti, dep&nbsp; jazady &nbsp;<a href="https://khovar.tj/rus/2024/03/komitet-po-chrezvychajnym-situatsiyam-i-grazhdanskoj-oborone-preduprezhdaet-o-vysokoj-opasnosti-shoda-lavin-i-kamnepadov/" target="_blank" rel="noopener">Hovar</a> agenttigi. &nbsp;</p>

Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıteti turǵyndardy uzaq saparǵa shyǵýdan, otyn jınaýdan, ań aýlaýǵa jáne balyq aýlaýǵa barýdan, sondaı-aq qar kóshkini qaýpi bar aımaqtarǵa barýdan bas tartyp, saq bolýǵa shaqyrady.

Buǵan deıin Komıtet jaýyn-shashyn saldarynan Gıssar jotasynyń taýlarynda, sondaı-aq «Dýshanbe – Horog», «Dýshanbe – Hýdjand», «Dýshanbe – Lahsh», «Horog – Mýrgab», «Horog-Ishkashım» avtojoldarynda qar kóshkini yqtımaldyǵy saqtalatynyn habarlaǵan bolatyn.

Esterińizge sala keteıik, bir jyl buryn 15-21 aqpan aralyǵynda Tájikstanda 200-den astam qar kóshkini bolǵan. Tabıǵı apat saldarynan kem degende 19 adam qaza tapty.