Tájikstanda 150 myń jyl burynǵy kóne eskertkish tabyldy

<p>ASTANA. KAZINFORM — Tájikstanda 150 myń jyl burynǵy Ortalyq Azııadaǵy ejelgi adam toptarynyń kóshi-qony týraly derekter beretin arheologııalyq eskertkish tabyldy, dep jazady <a href="https://khovar.tj/rus/2024/11/uchenye-nashli-v-tadzhikistane-artefakty-vozrastom-150-tysyach-let/" target="_blank" rel="noopener">Hovar</a> agenttigi.</p>

Evreı ýnıversıtetiniń arheologtary Zeravshan alqabynan (Tájikstan) kóp qabatty arheologııalyq oryndy — erte adam popýlıatsııalarynyń damýyn zertteýge jol ashatyn qundy eskertkish tapty.

Zertteý jetekshisi — professor Iossı Zaıdner óz tujyrymdaryn Antiquity jýrnalyna usyndy. Ol biregeı oljalardy sıpattaı kele, tas quraldary, janýarlardyń súıekteri jáne 20 000-150 000 jyl burynǵy túrli kezeńderden bastalatyn ejelgi ósimdikterdiń qaldyqtaryn anyqtady.

— Orta ǵasyrlarda Jibek jolynyń bóligi retinde belgili Zeravshan alqaby buǵan deıin de adam ekspansııasynyń mańyzdy baǵyty bolǵan, — dedi ol.

Arheologtardyń paıymdaýynsha, bul aımaq ártúrli adamdar úshin, sonyń ishinde «aqyldy adam» (Homo sapiens) jáne neandertaldyqtar úshin kóshi-qon dálizi bolǵan. Múmkin, bul toptar osy aımaqta bir-birimen qıylysyp, ózara árekettesýi múmkin. Zertteý osy aımaqta qandaı adam túrleri mekendegenin, olardyń ózara árekettesýin jaqsyraq túsinýge baǵyttalǵan.

Tabylǵan organıkalyq qaldyqtar — súıekter men kúıdirilgen aǵash óte jaqsy saqtalǵan. Bul ǵalymdarǵa sol kezdegi adamdar ómir súrgen ejelgi klımat pen jaǵdaılardy anyqtaýǵa múmkindik beredi.

Antiquity — arheologııa taqyrybyna arnalǵan akademııalyq jýrnal. Ol barlyq kezeńdegi álemniń túkpir-túkpirindegi taqyryptardy qamtıtyn jylyna alty ret shyǵatyn jýrnal. Onyń qazirgi redaktory — Darem ýnıversıtetiniń arheologııa kafedrasynyń dotsenti Robert Vedmak. 2015 jyldan bastap jýrnaldy Cambridge University Press basyp shyǵarady.

Eske salsaq, buǵan deıin bıyl 33 eskertkishke ǵylymı restavratsııalyq jumystar júrgiziletini habarlanǵan bolatyn.