Tájikstandaǵy qazaqstandyq stýdentter elge qalaı jetedi - UQK jaýaby
Bul týraly QR UQK Shekara qyzmetiniń Instagram paraqshasynda karantındik shekteýler kezeńindegi memlekettik shekarany kesip ótý tártibi boıynsha onlaın konferentsııada aıtyldy, dep habarlaıdy QazAqparat tilshisi.
«Tájikstanda oqıtyn Qazaqstan azamattary ushaq bolmaǵan jaǵdaıda Ózbekstan arqyly shekaradan kólikpen, Tájikstan memleketiniń qyzmetkerlerimen baılanysqa shyǵý arqyly óte alady», - deıdi UQK Shekara qyzmeti Shekaralyq baqylaý departamentiniń orynbasary Ǵanı Aǵadilov.
Ol shetelden kelgen stýdenttiń karantınde bolatyny týraly aıtty.
«Jalpy karantınge aýrýhana nemese shıpajaıǵa jatqyzý Densaýlyq saqtaý mınıstrliginiń quzyrynda. Avtomobıldik ótkizý pýnkterinde sanıtarlyq-karantındik beket qyzmetkerleri shetelden kelgen stýdentterdi tıisti oryndarǵa jiberedi», - deıdi ol.