Tájikstan Úkimeti qazaqstandyqtarǵa 50 bilim grantyn usyndy

NUR-SULTAN. QazAqparat - Tájikstan qazaqstandyqtarǵa joǵary oqý oryndarynda oqý úshin granttar usyndy, dep habarlaıdy QazAqparat «Bolashaqqa» silteme jasap.

Tájikstanda oqý úshin 2021-2022 oqý jylyna myna baǵdarlamalar boıynsha granttar usynyldy:

Bakalavrıat baǵdarlamasy boıynsha – 40 oryn;

Magıstratýra baǵdarlamasy boıynsha – 10 oryn;

Oqý tili – orys tili.

Joǵary oqý oryndary men mamandyqtar tizimin myna silteme arqylykórýińizge bolady.

Grant kelesi shyǵyndardy óteıdi:

• tegin oqý;
• aı saıynǵy stıpendııa (130-150 somonı);
• jataqhanada turý.

Nazar aýdaryńyz!!! Qalǵan shyǵyndardy, onyń ishinde kólik shyǵyndaryn grant ıegeri óz qarajatynan jabady.

Tolyq qujattar toptamasyn qabyldaý merzimi 2021 jylǵy 20 tamyzǵa deıin.

QUJATTAR TІZBESІ:

1. Nysan boıynsha toltyrylǵan saýalnama. Saýalnamany myna siltemede.
2. Jeke kýáliktiń jáne/nemese pasporttyń kóshirmesi (qolma-qol bergen kezde salystyryp tekserý úshin túpnusqasy nemese notarıat kýálandyrǵan kóshirmeleri talap etiledi).
3. Bilim týraly qujattar. Qujattarǵa qoıylatyn talaptarmen jadynamadan tanysýǵa bolady.
4. Tańdalǵan oqý baǵyty boıynsha respýblıkalyq nemese halyqaralyq deńgeıdegi is-sharalarǵa qatysqany úshin alynǵan gramotalardyń, sertıfıkattardyń, dıplomdardyń kóshirmeleri (bolǵan jaǵdaıda).
5. Shetelde oqýǵa jiberýge úmitkerdiń (18 jasqa tolmaǵan adamdardyń) zańdy ókiliniń (ata-analary, bala asyrap alýshylary, qorǵanshysy nemese qamqorshysy, balany qabyldaıtyn ata-anasy, patronat tárbıeshisi) jazbasha kelisimi.
6. Tıesilik faktisin rastaıtyn qujattyń túpnusqasy (bolǵan jaǵdaıda):
• - jetim balalar men ata-anasynyń qamqorlyǵynsyz qalǵan balalarǵa-balanyń ata-anasynyń joqtyǵyn rastaıtyn qujattyń kóshirmesi (túpnusqa salystyryp tekserilgennen keıin úmitkerge qaıtarylady);>
• - múgedek balalar- «medıtsınalyq – áleýmettik saraptama júrgizý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qańtardaǵy № 44 buıryǵymen (Normatıvtik quqyqtyq aktilerdi memlekettik tirkeý tiziliminde № 10589 bolyp tirkelgen) bekitilgen nysan boıynsha múgedektik týraly anyqtamanyń túpnusqasy (salystyryp tekserilgennen keıin túpnusqa úmitkerge qaıtarylady);>
• - kóp balaly otbasylardan shyqqan balalar-birge turatyn tórt jáne odan da kóp kámeletke tolmaǵan balalardyń týý týraly kýáliginiń túpnusqasy nemese asyrap alý týraly sot sheshiminiń kóshirmesi, birge turatyn barlyq kámeletke tolmaǵan balalarǵa mekenjaı anyqtamalary (túpnusqa salystyryp tekserilgennen keıin úmitkerge qaıtarylady)>
7. Sheteldik JOO-nyń memlekettik tilge notarıaldy kýálandyrylǵan aýdarmasy bar shaqyrýynyń kóshirmesi (bar bolsa).
8. Qujattardy úshinshi tulǵa tapsyrǵan jaǵdaıda-konkýrstyq irikteýge qatysý úshin úmitkerden ókilge notarıaldy kýálandyrylǵan senimhat túpnusqasynyń bolýy.