Tájikstan prezıdenti Qazaqstan halqyna kóńil aıtty

DÝShANBE. QazAqparat – Tájikstan Respýblıkasynyń syrtqy ister mınıstri Sırodjıddın Mýhrıddın Dýshanbedegi Qazaqstan elshiligine bardy, dep habarlaıdy QazAqparat menshikti tilshisi.

Mınıstr Tájikstan Respýblıkasynyń basshysy Emomalı Rahmonnyń atynan Qazaqstan Prezıdenti Qasym-Jomart Toqaevqa Abaı oblysynda aýqymdy orman órti saldarynan adamdardyń qaza tabýyna baılanysty kóńil aıtý telegrammasyn berdi.

«Qazaqstannyń shyǵysyndaǵy Abaı oblysynda adamdardy qurban etken aýqymdy órt týraly habardy qaıǵymen qabyldadyq. Baýyrlas Qazaqstan halqyna, qaza tapqandardyń týystary men jaqyndaryna shyn júrekten kóńil aıtamyz. Úkimet pen yntymaǵy mol Qazaqstan halqynyń kúshimen tabıǵı apat saldary taıaý ýaqytta eńseriletinine senimdimiz», - delingen telegrammda.

Syrtqy saıasat vedomstvosynyń basshysy Tájikstan úkimetiniń atynan qaıǵyǵa ortaqtasyp, mert bolǵandardyń otbasylaryna qoldaý kórsetetinin jetkizdi. Elshiliktegi Kóńil aıtý kitabyna jazba qaldyrdy.

Mádıbek Jánibekov