Tájikstan kásipkerleri Qazaqstannyń bızneske maman daıyndaý tájirıbesine qyzyǵýshylyq tanytty
«QR Ulttyq palatasynyń tájirıbesin mýltıplıkatsııalaý» jobasyn iske asyrý sheńberinde Tájikstan Respýblıkasy Saýda-ónerkásip palatasynyń delegatsııasy keldi. Delegatsııa quramynda SÓP tóraǵasynyń orynbasary Haıdar Radjabov, Hatlan oblysy SÓP bas dırektory Farhod Saıfıdınov, Soǵdy oblysy SÓP bas dırektorynyń orynbasary Melıkýzı Kodırov boldy.
«Atameken» UKP basqarma tóraǵasynyń birinshi orynbasary Maqsat Qıqymov qonaqtardy qarsy alyp, Qazaqstanǵa iskerlik sapar tájikstandyq áriptesterge aqparatqa toly jáne paıdaly bolatynyna senim bildirdi.
«Bizdiń palata jobany iske asyrýda barynsha kómek kórsetýge daıyn. Birlesip, bıznes-qoǵamdastyqtardyń memleket kadrlaryn daıarlaý júıesine tartylýyna jáne eki memlekettiń dýaldi bilim berý júıesin iske asyrýǵa yqpal etetin bolamyz. Palatalarymyzdyń tandemin qoldaımyz. Bul yntymaqtastyq eki memlekettiń baılanysyn nyǵaıtýǵa ǵana emes, sonymen qatar Orta Azııa elderiniń kásiptik bilim berý júıesin reformalaýǵa járdemdesý, ekonomıkanyń ósip kele jatqan sektorlaryn bilikti mamandar men menedjerler talap etetin sektorlarmen qamtamasyz etý bastamalaryn engizedi», - dedi Maqsat Qıqymov.
«Atameken» UKP ókilderi qonaqtarǵa Ulttyq palatanyń qurylymy, mindetteri, jáne óńirlik kásipkerler palatalarynyń basym baǵyttary, kásipkerlermen ózara is-qımyly týraly aıtty. Olar «Atameken» UKP ázirlegen joǵary oqý oryndarynyń reıtıngi, onyń ádisnamasy, dýaldi bilim berý jáne bızneske suranysqa ıe maman daıarlaýǵa erekshe qyzyǵýshylyq tanytty. Seriktester «Atameken» UKP ókilderi osy jyldyń qazanynda Tájikstanda ótetin konferentsııaǵa qatysyp, Ózbekstan men Qyrǵyzstannan kelgen áriptesterge de mamandardy daıarlaý tájirıbesin bólise alatynyna tilek bildirdi.
«Maman daıyndaý – biz úshin mańyzdy baǵyt. Óıtkeni, Tájikstanda kadrmen jumys boıynsha mamandardy daıyndamaıdy. Biz qazaqstandyq áriptesterimizdiń tájirıbesin paıdalanamyz dep úmittenemiz jáne aldaǵy ýaqytta da osy baǵytta jumys isteý úshin sizdiń tájirıbeńizdi zertteıtin bolamyz», - dep atap ótti ol.
Kezdesý barysynda Pavlodar oblysynyń kásipkerler palatasy, Soǵdy oblysynyń saýda-ónerkásip palatasy jáne Hatlan oblysynyń saýda-ónerkásip palatasy arasynda yntymaqtastyq týraly memorandýmdarǵa qol qoıyldy.